Tannlegekontoret Odontia er ein veletablert, moderne tannlegepraksis med lang fartstid og ligg i Volda på Sunnmøre. I 2009 tok Tannlege John Thomas Riise over som klinikksjef og eigar etter Andreas Tomasgaard og klinikken har no vorte ein del av Odontia Tannlegene.
Vi tilbyr både spesialistbehandling og allmenn tannbehandling ut i frå dine behov, og er svært opptekne av at behandlinga vert gjort på ein trygg og kvalitetsmessig god måte. Vi informerer alltid om ulike behandlingsalternativ før behandling byrjar. På denne måten kan vi som fagpersonell og du som pasient vere med på å velge den behandlinga som passar deg best.
Moderne tannbehandling krev kunnskap og erfaring, dette har vi. Vårt tannhelspersonell vert stadig kursa gjennom fagsamlingar og nasjonale kurs innan tannhelsefeltet. Vi har tilknytta spesialist i periodonti (tannkjøttsjukdomar) spesialist i radiologi (røntgen) og har spesialkompetanse i implantatprotetikk og lystgass/sedasjon. Vidare samarbeider vi tett med spesialistar innan kirurgi og tannregulering. Tannlegekontoret har eit sterkt fokus på smertefri og omsorgsfull behandling. Du skal føle deg godt ivaretatt hos oss.
